Historia Santa Madalena de Canossa

                       Santa Madalena de Canossa 

 Madalena Gabriela Canossa, moris iha Verona, dia 1 fulan Marsu no tinan 1774, Madalena moris iha familia nebe nobre no riku tebes, nia familia mos influensia tebes iha rai Verona, Italia. Maibe bainhira nia tinan lima deit nia hetan sofrimentu boot iha nia moris: nia Aman mate no nia Inan husik hela nia no maun-alin sira hodi ba kaben fali. Madalena nia Inan husik hela nia ho maun-alin sira iha Orfanatu nebe fasilidade lá diak. No iha neba dá-la barak Madalena hetan moras. Maibe Madalena rai hela prezente iha nia laran nebe incrível husi Maromak.

 Bainhira Madalena tinan sanulu-resin-hitu, nia koko atu tama iha Carmelo dá-la rua, ba daruak nian Madalena hanoin katak ne’e laos nia vokasaun. No iha tempu hanesan, nia seidauk hatene saida mak Maromak nia planu ba nia moris. Hatene katak desizaun ne’e sei sai importante tebes ba nia moris, nia rai deit chamado ne’e iha nia fuan no fila fali ba nia maun-alin sira.

 Nudar bin ne’ebé boot no husik, tuir lei nebe kontrola riku-soin nebe sira nia familia nian mak fó ba nia no nia maun sira. Iha misaun ne’e, Madalena sai nudar administradora nebe diak no nain ba negosiu nebe diak, nebe halo supreza ba ema barak. Vokasaun ba moris religiosa, oinsa mos, nafatin permanense iha nia fuan. Tanba ne nia nunka hatudu katak hakarak atu kaben.

 Situasaun politika no sosial iha Italia entre tinan 1800, hamutuk ho influensia revolusaun Fransa, no Governo Imperadores Estrangeiros iha Italia hamosu nasaun ne’e monu ba situasaun ekonomia nebe seriu nia laran, apoiu mosu ba ema lubuk kiak ida no labarik sira nebe abandona hela deit. Iha krise nia laran, iha tinan 1801, joven nain rua dere odamatan konventu Madalena nia familia nian hodi buka fatin atu hela. Santa Madalena simu ho diak. Lalais sira seluk mosu no nia hatene katak akontesimentu ne chamado husi Maromak ba nia moris. 

 Iha tempu badak, Santa Madalena de Canossa muda tiha ona sorin boot konventu nia familia nian ba komunidade feto forte no religioza nebe prontu atu tau-matan ba feto-ran nebe abandona no presiza ajuda. Nia familia, oinsa mos la aseita desizaun ne’e no dalaruma iha situasaun la diak nia laran. 

 Depois de tinan hitu nia ajuda feto sira nebe husu tulun, Santa Madalena de Canossa konsege rezolve atakasaun husi nia membru familia no husik hela sira nia konventu, husik hela riku-soin familia nian ba nia maun sira. Nia sai no ba hrla fali iha sidade nebe kiak liu iha Verona, iha neba atu kompleta chamado Maromak nian iha nia moris: dedika-an atu evanjeliza ema kiak no fo promosaun humanu sira nian. Tanba ne’e, Santa Madalena de Canossa hari kongregasaun karidade feto nian.

 Feto lubuk mak halibur iha kongregasaun nebe iha mehi hanesan atu eduka ema kiak sira. Uma foun sira nebe foin hari iha area oioin iha Italia no Eropa. Santa Madalena de Canossa hakerek regra moris ba Kongregasaun foun iha tinan 1802, Iha tinan 1826, ho uma sira nebe iha Europa tomak, Papa Leão XII aprova ona regra ne’e.

 Santa Madalena de Canossa iha orasaun nebe klean no moris mistika. Nia desenvolve domin nebe klean ba Jesus nebe iha Kruz, nebe halo nia sensível liu tan kona-ba sentimentu moras no nesesidade ema seluk nian. Nia domin ba sira nebe presiza liu no hetan admiradu husi ema hotu. 

 Santa Madalena de Canossa mate iha loron 10 fulan Abril tinan 1835. Ne’e mak iha loron sexta-feira santa. Iha tinan 1860, obra mane no feto nebe namkari iha parte Oeste. Ohin loron, konesementu ho "Canosiana", sira partisipa iha kontinente hotu-hotu, fiel ba karisma nebe hanesan nebe Na’i hari ba Santa Madalena de Canossa. Santa Madalena de Canossa kanoniza iha tinan 1988 husi Papa João Paulo II.